Cıyın Ansambli Konserti Olıp Keçti
Umumiy Merkezimizniñ Qırımtatar Halqoyunları ve Muzıqa Toplulığı olğan Cıyın Ansambliniñ ilk konserti 2024 senesiniñ Kiçik Aynıñ 10-da kerçekleştirildi.
Millî Eğitim Bakanlığınıñ (MEB) 1200 kişilik Şura Salonında saat 19.00'da başlağan Qırım Aqşamında, Cıyın Ansamblinen Qırımtatar yırcıları seyir etkenlerge unutılmaz bir gece yaşattı.
Alıp barıcılığını Mavile Mametovanıñ yapqanı aqşamda Qırımtatar yırcıları Rüstem Memet, Gülizar Bekir ve Anqara Türk Dünyası Muzıka Toplulığınıñ yırcısı Feryal Başel Tüzün sanada yer aldılar.
Yırcılarımızğa eşlik etken orkestramızda yer alğan Deniz Göktaş –qanun, Savaş Demiral-qlarnet, Turgay Özqızıltaş-ritm, Anife Derman-keman, Rustem Kömürcü-akordeon ve Refat Usein-piyanonen ustalıqlarını körsettiler.
Cıyın Ansambli sanadaqı ilk gösterisine Sezin Uzgurneñ Samet Cengizniñ solistliginde “Ağır Ava Qaytarma”nen başladı.
Artından Yavluq oyunını orta gruppa dansçıları icra etti. “Minikler Dansı”nı ise kiçkene yaş gruppasından Lina, Neslihan, Canike ve Alimnen oynadı.
“Marama Eskizleri”nin solisti Hanzade Aqtaran oldı.
Bir-birevinden renkli gösterilerniñ artından Ankara Türk Dünyası Muzıqa Topluluğınıñ yırcısı Feryal Başel Tüzün, "Ey Güzel Qırım" yırınen sanağa çıqtı. "Kemançemniñ Telleri" ve "Qamışa Baq Qamışa" adlı yırlarnı aytqan Tüzün, "Qırımlı qardaşlarımıznıñ vetan Qırımğa yañıdan qavuşmasını tileymiz. Bugün mında Qırım için toplandıq, Qırımnı hüzün içinde añamız ama artıq neşe içinde, keyifnen, dansnen, qaytarmalarnen añmak isteymiz" dep öz duyğularını ayttı.
Arslan Bekir, Qırımgeray Aqtaran, Hamza Uçar, Ömer Uçar, Umut Uzgur ve Eren Onrattan meydanğa kelgen gruppanıñ oynağanı "Aysar Qaytarması"nıñ artından "Emir Celal" oyunını 3 yaşından berli Ansamblge qatnağan Hanzade Uludağ icra etti.
Tuğçe Ağıralnıñ solistliginde “Kogercin" isimli oyun tam bir görsel şölendi.
Artından, Neslihan Ceran ve Lina Bikeç Emre adlı 4 yaş grubu "Çeçek Dansı"na imza attı.
Seyircilerniñ alaqasını çekken bir diger dans ise Cıyın Ansambliniñ Yönetmeni Evelina Kemileva ve Samet Cengizniñ sanalağanı "Sevgi İkayesi" adlı oyun oldı.
Danslarnıñ hepisi biribirinden güzel edi ve pek büyük ustalıqnen icra etildi.
"Qırım Cennet Yeri"
"Çoban Oyunı"
"Tım Tım"
"Taşlama"
Oyunlarınıñ artından Qırımtatar halq yırları ustası Rüstem Memet sanağa çıqtı. "Yeşil Qırımdan sizge selâm ketirdim" dep Qırımtatar yırlarına başlağan Memet, "Biz qavuşmadan can toymaz" dörtlügini oqudı. Memet, seyircilernen barabar "Bizim Taraf" adlı yırnı aytqan soñ "er vetandaş öz vetanını sever, bizim halqımız da öz vetanını pek seve, ondan vazgeçmeycekmiz" dedi. Seyircilerden bir bala Rüstem Memetke çeçek taqdim etti. Memet, sanada "Ornıñ Yolu" ve "İstanbuldan Nar Kelir" adlı yırlarnen performansını yekünledi.
"Nazik Oyunu"
Artından Cıyın Ansambliniñ ebeveynleri "Anne Babalar" gruppası sanada başqaca bir yel estirdi. Cıyın Ansambliniñ ebeveyn azalarınıñ ustalıqnen icra etkeni dans gösterisi balalarınıñ performansından artta qalmadan büyük bir begeni topladı. Bu bölükte 40 sene evvelsi halqoyunları çalışmalarındaki foto resimlernen başlap bu künge qadar olğan fotolarnen tarihı bir yolculıqqa çıqıldı.
Pek begenilgen bu dans esnasında Qırım Vaqufı Başqanı Tuncer Qalqaynen Tuvğan Til İnternet saytı Koordinatöri Oya Deñiz Çongar Şahinniñ oyunı da hayrette qaldırdı. 40 seneden soñ yañıdan sanağa çıqqan bu oyuncılarnıñ çıqışı seyircilerni şaşmalatqan bir sürpriz oldu.
Cıyın Ansambliniñ oynağanı “Ukrayina Dansı” pek meraqlı edi.
“Qırım Türküsi" yırını aytıp sanağa çıqqan Qırımtatar yırcısı Gülizar Bekir, "Bilemen, epiñiz Qırımnı pek sağındıñız. İnşalla pek yaqın vaqıtta ep barabar vatanımızğa qavuşacaqmız" dep ayttı. Bekir, "Dağlarıñ Yolları" ve "On İki Ördek" adlı yırlarnen programmasını devam etti.
Samet Cengiz, Zeynep Uludağ, Aybike Qalqay, Neva Civelek, Hanzade Aqtaran, Sezin Uzgur ve Yaren Ece Tutanın büyük ustalıqnen bir tiyatro gösterisi kibi sergilengen "Çibörek Dansı" heyecannen ve meraqlı közlernen seyir etildi.
Arslan ve Linanıñ unutılmaz sana kösterüvi olarnıñ kelecekte ne qadar usta dansçı olacaqlarını bizge belgiledi.
Cıyın Ansambli konsert programmasını ananeviy "Horan" oyunı ile yekünledi.
Aqşam; seyircilerniñ, Cıyın Ansambliniñ ve halq yırları ustalarınen beraber "Vatanım Qırım" türküsini icra etmesinen bitti.
Ukrayinanıñ Anqara Büyükelçisi Vasyl Bodnar sanağa çıkıp, konsert teşkilatçılarını ve artistlerni alğışladı. Bodnar Türkçe olaraq, "Siziñle olmaqtan mutluyım. Ukrayna dansı sürpriziñiz içün teşekkür eterim. Kültürni ve folklornı buluştırmaq çoq müim. Yaqında Bağçasarayda körüşelim. Yaşasın Kırım Tatarları, yaşasın Ukrayna, yaşasın Türkiye!" dep sözlerini bitirdi.
Cıyın Ansambliniñ çalıştırılmasından, koreografilerine, sana düzenine qadar disiplinli ve titiz çalışmasınen bu mühteşem aqşamnıñ mimarı olğan Cıyın Ansamblimizniñ Yönetmeni Evelina Kemilevağa; bu başarılı aqşamğa büyük isse qoşqan ansamblimizniñ azaları ve ebeveynlerine çoq teşekkür etemiz.
Yırcılarımıznıñ ve orkestra azalarınıñ yüksek performansları da elbet gösterinin başarısında müimdi. Tikiş ve nağış sanatçımız Ayşe Osmannıñ ellerinde azırlengen Cıyın Ansambliniñ milliy qıyafetleri de büyük begeni aldı.
Unutılmaycaq bir Qırım Aqşamı olaraq esimizde qalacaq bu mühteşem programmada emegi keçken erkesge teşekkür bildiremiz.
