• Anasayfa
  • Eşittiñizmi?
  • Bestekâr Üsein Bekirov Yañı "Studio Cooperation" Programmasını Taqdim Etti ( E-79 )

Bestekâr Üsein Bekirov
Yañı "Studio Cooperation" Programmasını Taqdim Etti

 

219126663 519287252671019 8970610510273404455 n

Kiyevde belli qırımtatar bestekârı ve caz çalğıcısı Üsein Bekirovnıñ kontserti olıp keçti. Programma bestekârnıñ müelliflik eserlerinden tertip etildi. Üsein Bekirovnıñ qayd etkenine köre, yañı avalarnı yaratqanda mıtlaqa halq nağmelerini de qoşa. "Bir qırımtatarı olaraq cazğa milliy avalarımıznı kirsetem. Neticede, eski nağmeler zemaneviy caz tilinde yañğıray. İşte yañı leyham aynı böyle şekilde yaratılıp, caz sevdalarına taqdim etile" , - dedi Üsein Bekirov.

218973792 871019160173291 8622046418368898626 n

Üsein Bekirovnıñ taqımında çalışqan çalğıcı Artur Frolov, er bir eserniñ özcesine unikalligini qayd etti. "Kompozitsiyalar harakteri ve icra mürekkepligi ceetinden farqlılar,  Eminim ki, Üsein istidatlı pianocı ve bestekâr. O, öz duyğularını notalarğa keçire ve neticede böyle eserler dünya yüzüni köre", - qayd etti çalğıcı. Bestekâr Üsein Bekirov 20 yıldan berli muzıka yaza. Programmasınıñ tanıtımında o, muzıka öyle bir şey ki, onı ömür boyu ögrenmek zarur, dedi.

                                                                                                                                                                                           Elvira Ablâziz / Kiev

 

 

 

Pin It
  • Gösterim: 268