Aqsaray-Hamidiye Sotsial Tesisi Açıldı
Aqsaray Belediyesi tarafından yaptırılğan Hamidiye Sotsial Tesisiniñ açılışı 2021s. İlk qış ayı 19 Bazar künü yapıldı.
Aqsaray Belediye Reisi Dr. Evren Dinçer tarafından adiy mahalle qonaklarından farqlı olaraq Qırımtatarları yaşağan “Bağçasaray” ve “Qırım” mahalleleri ile Qırım Dernegi Aqsaray Şubesiniñ ortaq qullanımı maqsadınen yaptırılğan muhteşem tesisniñ açılışı saat 15.00’te kerçekleştirildi. Bu tesis Qırımtatar medeniyetiniñ yaşatılması ve kelecek nesillerge aqtarılması içün büyük emiyet taşımaqta.
Aqsaray Belediyesiniñ Hamidiye Alaca Mahallesinde proyektlendirgen “Hamidiye Alaca Mahalle Qonağı ve Sotsial Tesisleri” niñ açılışına Aqsaray Belediye Başqanı Dr. Evren Dinçer, Ukraina Büyükelçilig Müsteşarı Dr. Denis Zolotariov, DQTK Denetim Qurulınıñ Reisı Prof. Dr. Enver Aydoğan, Qırımtatar Teşkilatları Platformasınıñ Reisi Ümit Şilit, Türkiye - Ukraina Dostluq Derneginiñ Başkanı Ali Olgun Boydak, Qırım Dernegi Aqsaray Şubesiniñ Reisi Rıdvan Çağlayan, dernek azaları ve coq sayıda vatandaş toplulığı qatıldı.
Açılış Aqsaray Şubesiniñ Reisimiz Rıdvan Çağlayannıñ qonuşması ile başladı. Rıdvan Çağlayan, Hamidiyeniñ qurulışı, tarihçesi ve bölgedeki Qırımtatarları ile bağlı bilgi bergen soñ sotsial tesisniñ yapıluvında emekleri keçkenlerge teşekkür etti.
Daha soñra çıqışta bulunğan Aqsaray Belediyesiniñ Reisi Dr. Evren Dinçer ise mahalle qonağı ve sotsial tesis proyektleri ile mahalle medeniyetini yañıdan yaşatmaqnı maqsat etkenlerini bidlirgen tesisniñ şehirge ve mahalle sakinlerine hayırlı oğurlı olması tileklerini tiledi. Ayırıca İstanbul ve Ankaradan açılış içün kelgen musafirlerge teşekkür etti.
Soña davetlilerniñ iştiragi ile Hamidiye Alaca Sotsial Tesisleri’niñ açılış şeriti kesildi. Soñra ise Reis Dinçer, mahalle sakinleri ve davetliler ile beraber sotsial tesisni dolaştı.
Hamidiye Alaca Mahallesinde sotsial ve medeniy tedbirlerge ev sahipligi yapacaq olğan sotsial tesisniñ çoq maqsatlı olaraq qullanılması planlandı. 1095 m2 qapalı alanğa sahip sotsial tesis içinde Qırım Medeniyet Evi adı berilgen bölümde Qırım Derneginiñ Aqsaray Şubesi ofisi ve sergi alanı; Qırım ve Bağçasaray Mahalleleri içün ayrı muhtarlıq bölümleri; toy, nişan ve toplu tedbirler yapılabilecegi çoq maqsatlı salon; yerli ürünlerniñ satılışı yapılabilecegi alanlar, kütüphane ve sergi salonları yer almaqta.
Qonuşmalarnıñ ve sotsial tesisniñ dolaşmasından soñ “Cıyın Ansambli” sahne aldı. Artıq kemalına yetkenini isbatlağan ve halq oyunlarımıznı ustalıqnen köstergen “Cıyın Ansambli” gönüllerni feth etti. Daha soñra sahnağa çıqqan Elzara Batalovanıñ seslendirgeni biri-birinden güzel yırlar musafirler tarafından pek begenildi.
Aqsaray Belediyesi tarafından yaptırılğan Hamidiye Alaca Mahalle Qonağı ve Sotsial Tesisiniñ açılışından soñ saat 19.00’da Aqsaray Medeniyet Merkezinde “Qırımtatar Halq Oyunları ve Muzika Gecesi” teşkil etildi. Tedbirniñ açılış qonuşmasını Dernegimiz adından DQTK Denetim Qurulınıñ Reisi Prof. Dr. Enver Aydoğan yaptı. Daha soñra Aqsaray Belediyesiniñ Reisi Dr. Evren Dinçer bir qonuşma yaptı. Qonuşmalardan soñ hediye taqdimi yapıldı.
Soñra sahna temaşaları başladı. Cıyın Ansambli ile Qırım Ailesi Vokal ve Oyun Gruppasınıñ musafirler tarafından begenilip seyir etilgen oyun kösterüvlerinen beraber Qırımtatar sanatçısı Elzara Batalova ile Noğay sanatçısı Arslanbek Sultanbekovnıñ yırları geceni yekünledi.
Hususan Batalova ve Sultanbekovnıñ beraber yırlağanları “Ey Güzel Qırım” yırı alğışlarnen qarşılandı. Seyircilerge muhteşem bir sanat ziyafeti taqdim etildi.
Belediye Reisi Dr. Dinçerniñ balalarğa ve sanatçılarğa hediye taqdiminden soñ beraber hatıra fotografı çekilerek programmanıñ qapanışı yapıldı.
Fotograf: Ernur Onrat, Evelina Kemileva ve qha
