ANKARA KİTAP YARMALIĞI

 

WhatsApp Image 2022 10 22 at 18.08.51

21-30 Ekim 2022 tarihleri arasında Ankarada ananeviy kitap yarmalığı ötkerilmektedir. Ankara kitap yarmalığı 2005 senesinden beri teşkil etile ve, adetince, Ankara Ticaret Odası Congresium salonında yapıla. Yarmalıqta 300-den ziyade yayınevi ve türlü cemaat teşkilâtları iştirak ete. Yarmalıq çerçivesinde türlü suhbetler, muzakereler, şiiriyet künleri, yazıcılar ile körüşüvler ve imza künleri, balalar içün çeşit türli tedbirler ve eglenceler keçirilecek.

WhatsApp Image 2022 10 22 at 18.08.54

Kitapseverler yarmalıqta taqdim etilgen kitaplar arasında öz zevqlerine köre mutlaqa meraqlı ve faydalı kitaplar tapar: tarih, felsefe, sanat, medeniyet, bediy edebiyat, din, mektep içün kitaplar, bala edebiyatı ve diger yüzlerce kitaplar yarmalıq ziyaretçilerine teklif etile.

315532362 889352795804148 5241143621174127488 n

Bu yarmalıq çerçivesinde qırımtatar mevzusı ile bağlı kitaplarını yayınlağan eki yazıcınıñ: İlyas Aktaran“Son Gazi” kitabı ve Serra Menekaynıñ kitapları “Galeati” yayınevi tarafından taqdim etilmektedir. Ekim 22-de de yazıcılarnıñ imza künleri olıp keçti. Ayırıca, qırımtatar oquyıcısına “Aluştadan Esen Yeller” ve “Şefika” romanları ile belli olğan yazıcı Serra Menekaynıñ Ekim 22-de “Cumhuriyetke doğru Aqıncı Ruhu ve Türk Qadını” suhbeti de olıp keçti. Öz suhbetinde Serra Menekay eserlerindeki qadın harakterleri hususında söz yürseterek, vatan, millet, baht, aileviy degerlikler, qadınlarnıñ cemiyetteki ve milliy ideallarnıñ şekillenüvindeki rölü kibi meselelerge toqundı.

315311537 823949285530826 6710816591092622946 n

21-30 Ekim 2022 tarihleri arasında ATO Congresium binasında ötkerilmekte olğan Ankara kitap yarmalığı 10.00 – 20.00 saatleri arasında ziyaretçiler içün açıqtır.

315216844 1300653983807451 7544984124848051135 n

 

 

 

 

Pin It
  • Gösterim: 44