"Aluştadan Esen Yeller" Romanı
Ukrayinalı Oquyıcılarnıñ Diqqatına Taqdim Etildi
Yazıcı Dr.Serra Menekaynıñ basılğan ilk kitabı olğan “Aluştadan Esen Yeller - Bir Kırım Türküsü” adlı eseri İrına Drıga tarafından Ukraincege çevirildi.
Yayın rehberligini Pavlo Saçek yapqan eser “King Publishing” yayınevi tarafından basılaraq oquyıcınıñ diqqatına taqdim etildi.
Bu qıymetli eserniñ Ukraince neşiriniñ ilk tanıtım toplaşuvı 2022 s. Arman ayı 16-sında (16 Ağustos), Salı künü, Kıyivde “Qırım Evi” teşkilâtı tarafından kerçekleştirildi. "Qırım Evi"niñ rehberleri, kitapnıñ Ukrayinadaki naşiri "Master King Publishing" rehberi Pavlo Saçek, kitapnıñ tercimanı Türkolog İrına Drıga, Kıyiv Taras Şevçenko Milli Üniversitesi Tarih ve Qırımtatar Halqları Araştırma Merkezi qurucısı-ilk başqanı Doç.Dr. Oleh Kupçik ile Türkiye Cumhuriyeti Kıyiv Büyükelçiligi temsilcileriniñ de hazır bulunğanı tanıtım toplaşuvına kitapnıñ yazıcısı Dr.Serra Menekay, Kıyiv "Qırım Ailesi" teşkilâtınıñ Qurucısı Anife Qurtseyit, "Galeati" Yayıneviniñ sahibi Murat Tulga ve "Tuvğan Til" İnternet Saytınıñ Koordinatorı Oya Deniz Çongar da zoom platforması vastasınen qatıldılar.
Soñ derece duyğulı añlarnıñ yaşanğanı, saat 14.00’te başlağan ve yaqlaşıq 1,5 saat devam etken tanıtım toplaşuvınıñ moderatorlığını Ukrayina Milliy İlimler Akademiyası Kulturologiya Araştırma İnstitutı Proyekt Reisi, tarihçi Doç.Dr. Nadiya Honçarenko yaptı. İştirakçılar eserniñ tercime etüv esasında ğayrı eser ile bağlı duyğu ve tüşüncelerini de añlattılar. Bir roman olmaqnen beraber “Aluştadan Esen Yeller”niñ mikro tarih baqımından ehemiyetini bildirerek kitapnıñ Türkiyege yerleşken mülteciler baqımından da añlamlı olğanını ve Ukrayinanıñ bugüni ile de yañsınğanını ayttılar. Mustafa Abdülcemil Qırımoğlunıñ mücadelesinen de bağlı olğanını ifade etken qonuşmacılar romannıñ adınıñ “Ey Güzel Qırım” türküsinden alınğanını ve “Aluşta” simvolınıñ aslında “ğayıp olğan cennet” añlamını taşğanını qayd ettiler.
Balalar tahsillerinde tarih oquğanlarına rağmen oquvları sırasında kendilerine Türk tarihinden hiç söz edilmegenini bildirgen Pavlo Saçek ve Oleh Kupçik, Kıyivge pek yaqın bir mesafede olğan Çerkası bölgesindeki bütün yer ve özen adlarınıñ Türkçe olğanını farq etkenlerinde bilgenlerinden başqa bir tarihiy kerçeklik bulunğanını añlağanlarını ayttılar. Tarihçiler bu noqtada Türkologiyanıñ ehemiyetini qavrağanlarını ve bu mevzuda çalışmağa yönelgenlerini bildirdiler.
Türkiyedeki neşirleri "Galeati" Yayıncılığı tarafından yapılğan eserniñ Ukrayince basqısınıñ qapaq tasarımı Ukrayinada XX-nci yüzyılınıñ ilk yarısında pek belli olğan ressam İvan Truşnıñ “Qırım Seyahatı” adlı resimler seriyasından “Qırım qayasındaki Çam teregi” adlı eser qullanılaraq kerçekleştirildi. Bu yerde daha soñra bu seriyada neşir etilmesi planlaştırılğan eserlerle bir bütünlik temin etilmesi tüşünile. Yani bu seriyada daha soñra basılacaq kitaplarda qapaw tasarımı aynı, amma resim farqlı olacaq.
Bu çalışma bir başlanğıç olmasını ve bu qıymetli eser başqa tillerge de çevirilerek, daha çoq sayıda oquyıcı ile tanışmasını tileymiz.
